Set gerandisdagin á pausu og kom við Norrönu til Íslands í nakrar dagar.
Túrurin er frá týsdegi til fríggjadag. Tú fært 2 dagar í Íslandi. Norröna liggur við bryggju á Seyðisfirði frá mikumorgni kl. 09:00 til hóskvøld kl. 20:00. Hetta ger, at tú hevur fríar ræsur at hyggja teg um har á leiðini. Tú býrt umborð, meðan Norröna liggur við bryggju á Seyðisfirði.
Fá íblástur til upplivingar á Eysturlandinum niðanfyri.
Avmarkað pláss!
Heystfráferðir
Úr 299,-
Heystfráferðir
Úr 299,-
22. septembur
úr 1.295,-
29. septembur
úr 1.495,-
6. oktobur
úr 1.295,-
13. oktobur
20. & 27. oktobur
úr 299,-
3., 10. & 17. novembur
úr 299,-
Íroknað
- Cruise til Íslands og aftur
- Kamar
Tilkeyp
- Barn 3-11 ár: úr 238,-
- Bilur <1,9m H & 5m L: úr 599,-
Upplivingar í Íslandi
Seyðisfjörður
Norröna leggur at á Seyðisfirði. Sjálvur fjørðurin er áleið 17 kilometur langur. Tann litríka bygdin liggur millum høg fjøll og er kend fyri sín hugnaliga miðbý, gomlu húsini og bláu kirkjuna. Tað er lætt at ganga runt og uppliva bygdina til gongu. Á heimasíðuni hjá Visit Seyðisfjørður ber til at lesa meira um fjørðin, fjøllini og aðrar upplivingar á staðnum.
Vök Baths
Tak tær av løttum í friðsæla náttúrubaðumhvørvinum Vök. Náttúrubaðið er ein jarðhitamiðdepil, sum liggur beint við Egilsstaðir. Einans umleið 35 min. við bili frá Seyðisfirði. Náttúrubaðið Vök fær hitaorku sína úr jarðhitaumhvørvinum í økinum. Her kanst tú njóta framúr góða útsýnið yvir sjógvin og vakra landslagið.
Egilsstaðir
Úr Seyðisfirði tekur tað einans ein hálvan tíma at koyra til Egilsstaðir. Sí koyrivegleiðing. Har eru góðir møguleikar at shopp, og so er ein góður svimjihylur í nánd. Eisini er nógv søguligt at síggja og vøkur náttúra. Náttúrubaðið Vök liggur einans fáar minuttir við bili frá Egilsstaðir.
Eskifjörður
Ein tíma við bili sunnan fyri Seyðisfjörð liggur Eskifjörður, sum hevur ymiskt áhugavert at bjóða, hóast tað er ein lítil býur. Svimjihylurin í býnum hevur tveir hitapottar, rutsjubana, og ein langhyl á 25 metrar. Í vetrarhálvuni ber eisini til at standa á skíð.
Gufufoss
Gufufoss liggur beint við vegin millum Seyðisfjørð og Egilsstaðir. Fossurin er tí eitt upplagt stað at steðga á, tá tú koyrir um Fjarðarheiði. Frá parkeringsøkinum er bert ein stuttur teinur at ganga til fossin.
Stuðlagil
Stuðlagil er eitt sermerkt gil við høgum basaltstólpum báðumegin ánna. Tú kanst síggja gilið frá útsýnisstaðnum vestanfyri, men ynskir tú at koma heilt oman í gilið, er neyðugt at koyra hinumegin ánna og ganga seinasta teinin. Tað tekur umleið 1 tíma og 20 min. við bili frá Seyðisfirði til Stuðlagil.
Hengifoss
Hengifoss er ein av hægstu fossunum í Íslandi, og er serliga kendur fyri litríku bergløgini rundan um fossin. Frá Seyðisfirði tekur tað umleið 1 tíma við bili til parkeringsøkið, og haðani tekur gongutúrurin niðan til fossin og aftur umleið 1½–2 tímar tilsamans. Á leiðini sæst eisini Litlanesfoss við sínum høgu basaltstólpum.
Hverir
Við Námafjall liggur Hverir, eitt jarðhitaøki við dampi, kókandi runuhyljum og litríkari jørð. Her sæst týðiliga, at nógv virksemi er undir jørðini. Merktar gøtur føra teg runt í økinum, so tú kanst síggja jarðhitavirksemið tætt uppá. Hverir liggur umleið 2 tímar og 30 min. við bili frá Seyðisfirði.
Mývatn
Mývatn er eitt av kendastu náttúruøkjunum í Norðuríslandi, har nógv er at síggja. Rundan um vatnið finnur tú gosop, lavaøki og fleiri áhugaverd náttúrustøð. Tað tekur umleið 2,5 tímar at koyra frá Seyðisfirði til Mývatn.
Earth Lagoon
Náttúrubaðið Earth Lagoon í Mývatn verður ofta kallað: “Lítla Bláa Lónið”. Um tú leitar eftir eini serstakari baðuppliving fyri rímiligan prís, viðmæla vit at tú vitjar náttúrubaðið Earth Lagoon, har tú sleppur undan at stilla teg í bíðirað. Tað tekur umleið 2,5 tímar at koyra frá Seyðisfirði til Earth Lagoon.
Dimmuborgir
Tætt við Mývatn liggur Dimmuborgir, eitt stórt lavaøki við serligum klettum, hellum og lavaformum. Fleiri merktar gonguleiðir eru í økinum, bæði stuttar og longri, so tað er lætt at velja ein túr, ið hóskar til tíðina, tú hevur.
